Mae gwasanaethau gofal cymdeithasol yn un o’r sectorau sy’n tyfu gyflymaf yng Nghymru ac mae disgwyl i’r twf hwn barhau yn y dyfodol. Law yn llaw â’r twf daw amrywiaeth o gyfleoedd i bobl sy’n chwilio am yrfa ym maes gofal cymdeithasol.

Mae deunyddiau Gwynebau Gofal yn canolbwyntio ar brofiadau go iawn y rheiny sy’n gweithio yn y sector gofal cymdeithasol a’r sawl sy’n derbyn gwasanaethau gofal cymdeithasol, yr amrywiaeth o gyfleoedd gwaith sydd ar gael ac yn cynnig golwg fras ar y cyfleoedd hyfforddi a chymwysterau sydd ar gael yn y sector.

Cofiwch fod gweithio ym maes gofal cymdeithasol yn her ond mae hefyd yn waith gwerth chweil. Yn ogystal â’r boddhad o fod mewn gyrfa sy’n galluogi ac yn cefnogi pobl, mae’r sector gofal cymdeithasol hefyd yn cynnig cyfleoedd gwych a rhagolygon da o ran hyfforddi a datblygu ac ennill cymwysterau a fydd yn eich cynorthwyo i wneud cynnydd yn eich gyrfa.