Mae’r Cyngor Gofal Cymru wedi croesawu cyhoeddi’r adroddiadau heddiw (20 Hydref) sy’n rhoi trosolwg o’r camau sy’n cael eu cymryd i ddiogelu ac amddiffyn plant yng Nghymru.

Ac mae’r Cyngor Gofal hefyd wedi tynnu sylw at bwysigwrydd y radd gwaith cymdeithasol a hyfforddi ychwanegol i weithwyr cymdeithasol yng Nghymru, a ddarperir drwy bartneriaeth gref rhwng colegau a chyflogwyr. Mewn sawl rhan o Gymru mae’r partneriaethau wedi arwain at recriwtio gwell o weithwyr cymdeithasol ac wedi galluogi cyflogwyr i ddylanwadu ar hyfforddi’n uniongyrchol ac i wneud yn siwr ei fod yn cwrdd a’u hanghenion.

Wrth ymateb i adroddiad heddiw gan Arolygiaeth Gofal a Gwasanaethau Cymdeithasol Cymru (AGGCC) ac Arolygiaeth Gofal Iechyd Cymru, meddai Rhian Huws Williams, Prifweithredwr Cyngor Gofal Cymru: "Yn ystod y 18 mis diwethaf, rydym wedi adeiladu ar lwyddiannau’r cyrsiau gradd i wneyd yn siwr bod gwybodaeth well i gynllunio at y dyfodol, yn ogystal ag hyfforddiant ansawdd uchel cyn ac ar ôl i weithwyr cymdeithasol gymwhyso, er mwyn cwrdd ag anghenion y gweithle. Rydym hefyd yn gweithio gyda’n gilydd i sicrhau bod gweithwyr cymdeithasol newydd-gymwysedig yn cael eu cefnogi er mwyn iddyn nhw weithio’n ddiogel ac yn effeithiol".

Ymysg mentrau’r Cyngor Gofal i helpu diogelu plant mae:

• Astudiaeth dymor-hir o weithwyr cymdeithasol newydd-gymwysedig, sy’n helpu asesu pa mor drylwyr maen nhw wedi’u paratoi at eu rolau ac unrhyw faesydd lle bo angen dod i’r afael â nhw yn eu hyfforddi.
• Prosiect peilot i ddiffinio’n well rolau a chyfrifoldebau gweithwyr cymdeithasol i blant a’r cymwysterau sy’n addas i’w rolau, yn enwedig mewn perthynas i Dimau Cefnogi Teuluoedd Integredig newydd i deuluoedd lle mae plant mewn risg ac mae gan eu rhieni hanes o gamddefnyddio sylweddau a phroblemau iechyd meddwl.
• Model i gaslgu gwybodaeth y gweithlu am hyfforddi gwaith cymdeithasol er mwyn helpu cyflogwyr wybod sawl gweithiwr cymdeithasol cymwysedig sy’ angen ac i’r sefydliadau addysg uwch wybod sawl un ddylai gael eu hyfforddi.
• Adolgyiad o ddysgu gofal plant ar y radd gwaith cymdeithasol ac argymhellion fydd yn cael eu hystyried gan y Bartneriaeth Strategol Genedlaethol i Hyfforddi Gwaith Cymdeithasol.
  Datblygu, gyda chyflogwyr, gyfleon dysgu ôl-gofrestru i weithywr cymdeithasol cymwysedig sy’n gweithio mewn gwasanaethau plant a theuluoedd;
• Cyfarwyddyd ar y flwyddyn gyntaf mewn ymarfer i weithwyr cymdeithasol newydd-gymwysedig a’u cyflogwyr.