Beth mae’r gwaith yn ei olygu

Eich prif amcan fel Gweithiwr Cymdeithasol fyddai helpu pobl i asesu eu hanghenion iddynt allu dod o hyd i atebion fyddai’n gwella eu bywydau ac yn rhoi dewisiadau iddynt. Gallech weithio gyda phobl hyn, plant, pobl ifanc, troseddwyr, pobl gydag anawsterau dysgu, problemau iechyd meddwl, neu anableddau corfforol neu bobl sy’n camddefnyddio sylweddau.

Bydd rhan o’r broses o helpu pobl i reoli eu bywydau yn golygu ffurfio perthynas gydag amrywiaeth eang o bobl gan gychwyn gyda’r unigolyn ei hun a’i deulu a’r sawl sy’n gofalu amdano. Bydd gwneud hyn yn golygu goresgyn rhwystrau cyfathrebu fel gwahaniaethau iaith, anabledd ac anawsterau emosiynol. Mae angen rhoi pwyslais ar alluogi pobl i fynegi eu teimladau a lleisio barn ac ymarfer eu hawliau lle bo hynny’n briodol. Rhoddir y cymorth hwn weithiau ar adeg pan fo bywyd yn anodd iawn i’r unigolyn dan sylw.

Wrth asesu anghenion pobl a dod o hyd i atebion, byddwch yn eu helpu i fod mor annibynnol ag y bo modd. Gallai eich gwaith gynnwys eu gwarchod rhag risgiau y byddant yn eu hwynebu tra bod y cymorth hwn yn cael ei roi. Gallai olygu gweithio gyda’r gwasanaeth iechyd, addysg, tai a chyflogaeth, yr heddlu yn ogystal â phobl eraill o fewn eich sefydliad fel staff cymorth a therapyddion galwedigaethol.

Wrth weithio gyda’r bobl allweddol hyn, byddwch yn ymwneud â llunio cynlluniau ar gyfer unigolion ac adolygu’r sefyllfa yn gyson er mwyn sicrhau fod anghenion yr unigolyn yn cael eu bodloni.

Sut fath o berson sydd ei angen?