Lwfans Cyfle Dysgu Ymarfer

Cyfraniad at dreuliau lleoliadau mae myfyrwyr gwaith cymdeithasol yn mynd iddynt fel rhan annatod o'u hyfforddiant cymhwyso yw'r Lwfans Cyfle Dysgu Ymarfer.

Bydd gan bob derbynnydd o Fwrsariaeth Gwaith Cymdeithasol hawl i Lwfans Cyfle Dysgu Ymarfer (LCDY) cychwynnol am bob lleoliad. Bydd myfyrwyr rhan-amser yn derbyn y LCDY am unrhyw flwyddyn mae'n cyflawni cyfle dysgu ymarfer.

Bydd myfyrwyr sydd wedi defnyddio'u lwfans cychwynnol mewn unrhyw flwyddyn benodol yn gallu hawlio ad-daliad o gost gymwys sy'n fwy na'r lwfans cychwynnol. I wneud hyn, mae'n rhaid i fyfyrwyr ddarparu tystiolaeth bod y lwfans cychwynnol wedi cael ei wario ar gostau cyfle dysgu ymarfer cymwys, a chyflwyno tystiolaeth o'r costau ychwanegol. Mae'r costau cymwys yn cynnwys costau teithio cyhoeddus neu breifat, costau parcio neu gostau llety.

C: Beth yw swm y LCDY fyddai yn ei dderbyn?

O'r flwyddyn academaidd 2010/11 ymlaen, bydd yr LCDY cychwynnol myfyrwyr newydd yn ddibynnol ar faint/lefel y lleoliad.

C: Sut dwi’n neud cais am ad-daliad o gostau sy’n ychwanegol i’r Lwfans Cyfle Dysgu Ymarfer cychwynnol?

A: I gychwyn, mae angen i’r ymgeiswyr anfon i mewn Ffurflen Cychwynnol i ddangos bod y lwfans wedi’i wario fel y dylai.

I wneud cais am gostau Teithio sy’n ychwanegol i’r lwfans cychwynnol, mae angen i’r ymgeiswyr gwblhau ac anfon i fewn Ffurflen Hawlio Costau Teithio. Bydd y cais yn cael ei hasesu ac fe fyddwch yn derbyn e-bost o fewn 28 diwrnod gwaith bydd yn eich hysbysu os yw’r cais yn ddilys a phryd bydd y taliad yn cael ei wneud.

Mae’r holl ddogfennau yn ymwneud a’r LCDY i’w darganfod ar ochr dde’r dudalen hon.

C: Sut byddai’n derbyn y taliad?

A: Bydd yr LCDY cychwynnol yn cael ei gynnwys gyda rhandaliad cyntaf y Fwrsariaeth.

Bydd taliadau sy’n ychwanegol i’r lwfans cychwynnol yn cael eu talu i mewn i gyfrif banc yr ymgeiswyr o fewn 28 diwrnod gwaith o’r Tîm Ariannu Myfyrwyr yn derbyn y Ffurflen Hawlio Costau Teithio cywir.

Noder bod y Cynllun Lwfans Cyfle Dysgu Ymarfer yn y broses o gael ei adolygu ac mae'r dogfennau ar y dde yn benodol ar gyfer y rhai sy'n astudio yn y flwyddyn academaidd 2009/10 yn unig.